الرئيسية / العدد العشرون / عشم ممتد كالبحر

عشم ممتد كالبحر

10927866_377115732469148_461588891_n

هاشم صالح :

للتواصل مع صفحة الكاتب على الفيسبوك الرجاء إضغط هنا

**

ﻳﺎﻋﺸﻢ ﻫﺆﻻﺀ ﺍﻟﻤﻤﺘﺪ ﻛﺎﻟﺒﺤﺮ،ﺍﻟﻤﺆﺭﺧﻴﻦ ﻟﺴﻴﺎﺳﺎﺕ ﺍﻟﺤﻜﻮﻣﺔ ﻭﺗﺎﺭﻳﺦ ﺍﻟﻮﻃﻦ،ﻭﺍﻟﻤﺤﻠﻠﻴﻦ ﻟﺘﻠﻚ ﺍﻟﻤﻌﺎﻧﺎﺓ ﻭﺃﺳﺒﺎﺑﻬﺎ ﻳﺘﻬﺎﻣﺴﻮﻥ -: ﺍلإﻧﻔﺼﺎﻝ ﻳﺎ ﺭﺑﻲ ﺳﺒﺐ ..؟أم ﻓﺸﻞ ﺍﻟﻤﺸﺮﻭﻉ ﺿﻴﻊ ﺍﻟﺒﻠﺪ، ﻻ ﺍﻟﻤﻔﺎﺻﻠﺔ ﺿﻴﻌﺖ ﺍﻟﺒﻠﺪ !! ﺍﻟﺸﻌﺐ،ﺍﻟﻮﻃﻦ ،ﺍﻟﺨﻴﺎﺭﻳﻦ ﻣﺶ .. ﻫﻢ ﺟﺎﺑﻮ ﺍﻟﻬﻠﻚ

 إﺳﺘﻨﻜﺮ ﺃﺣﺪﻫﻢ ﻭﻗﺎﻝ : ﻗﺎﻟﻮﺍ ﺍﻟﻤﺆﺍﻣﺮﺓ ﺗﺤﺎﻙ ﺿﺪ ﺍﻟﺒﻠﺪ.

ﺗﺪﺍﺧﻠﺖ ﺣﺠﺔ ﺍﻟﺘﻮﻣﺔ ﻗﺎﺋﻠﺔ -: ﻃﻴﺐ غلاء ﺍﻟﻠﺤﻤﺔ ﻭﺍﻟﺨﻀﺎﺭ ﺩﺧﻠﻮ ﺷﻨﻮ ﻳﺎﻧﺎﺱ ﺩﺍ ﻣﺶ ﻣﻦ ﺧﻴﺮﺍﺕ ﺍﻟﺒﻠﺪ، ﻳﺎﻧﻲ ﻣﺎﻓﺎﻫﻤﺔ ﺷﺊ

ﺿﺤﻚ ﺍﻟﺤﺎﺝ ﻭﺩ ﻧﺰﺍﺭ ﻭﻗﺎﻝ ﻟﻴﻬﺎ :ﺩﺍ ﻋﺸﺎﻥ ﺗﺒﺘﻜﺮﻭ ﻳﺎﻧﺴﻮﺍﻥ، ﻭﺗﺴﻴﺒﻮ ﺍﻟﺒﻮﺑﺎﺭ

ﺭﺩﺕ ﺣﺠﺔ ﺍﻳﻤﺎﻥ ﺑﺎﺳﺘﻨﻜﺎﺭ :ﺍﻟﻠﻪ ﻳﻌﻠﻢ ﺣﺼﻞ ﺳﻤﻌﺘﻮ ﺑﻨﺺ ﺭﺑﻊ ﻟﺤﻤﺔ ﻭﺍﻟﺒﺼﻞ ﺑﺎﻟﻜﻴﻤﺎﻥ،ﺍﻫﺎ ﺩﺍ ﻃﻌﻤﻮ ﻳﻨﺘﻬﻲ ﻓﻲ ﺍﻟﻨﻴﺮﺍﻥ ﻭﺑﺘﺨﺘﺎ ﺯﻳﻨﺔ ﻟﻠﻀﻴﻔﺎﻥ

ﻗﻬﻘﻪ ﺷﺒﺎﺏ ﺍﻟﺤﻠﺔ ﺍﻟﻌﺎﻃﻞ : ﺧﻼﺹ ﻧﻌﻤﻞ ﺛﻮﺭﺓ،ﺍﻟﺸﻌﺐ ﻳﺮﻳﺪ … ﻳﺎﻫﺎ ﺍﻟﻜﻠﻤﺔ ﺍﻟﺴﺤﺮﻳﺔ ﺑﺘﻄﻴﺮ أي ﺩﻳﻜﺘﺎﺗﻮﺭﻳﺔ ﻭﻧﺮﺟﻊ ﺯﻣﻦ ﺍﻟﺪﻳﻤﻘﺮﺍﻃﻴﺔ، ﻳﺎ ﻧﺎﺱ ﻋﺸﺎﻥ ﻧﻌﻴﺶ ﻓﻲ ﺭﻓﺎﻫﻴﺔ، أﻧﺎ أشتغل ﻭﻋﻤﻲ ﻋﺜﻤﺎﻥ ﻳﺮﺟﻊ ﺿﺎﺑﻂ ﺗﺎﻧﻲ ﻟﻠﺪﺍﺧﻠﻴﺔ،ﻭﺣﺠﺔ ﻓﺎﻃﻤﺔ ﺍﻟﺤﻘﺎﻧﻴﺔ ﺗﻌﻮﺱ ﻛﺴﺮﺗﻬﺎ ﻻﻛﺸﺔ ﻭﻻ ﺭﺳﻮﻡ ﺑﻠﺪﻳﺔ ﺍﻟﺒﻠﺪ ﺗﻨﻀﻒ، ﻳﺎﻧﺎﺱ ﺍﻟﻌﺪﻝ..ﺍﻟﻌﺪﻝ، ﻣﺤﺘﺎﺟﻴﻦ ﺣﺎﻛﻢ ﻳﻨﺼﻒ ﻳﺪﻱ ﺩﺍ ﺣﻘﻮ ﻭﺩﺍ ﺣﻘﻮ، بانتخابات ﻣﺪﻧﻴﺔ ﻧﻌﻴﺪ ﺫﻛرى ﺍﻟﻮﻃﻨﻴﺔ ، ﻻ ﺟﻬﻮية، ﻻ ﻗﺒﻠﻴﺔ، ﻻ… ﻻ…..

ﻗﺎﻃﻌﻪ ﺍﻟﻤﻌﻠﻢ ﺣﺴﻦ ﻃﻌﻤﻴﺔ :ﺍﻧﺘﻮ ﺟﻴﻞ ﻣﺎﻋﻨﺪﻛﻢ ﻣﺴﺆوﻟﻴﺔ،ﺛﻮﺭﺓ ﺷﻨﻮ ﻭﺟﻬﺠﻪ ﻟﻴﺒﻴﺎ ﺿﻌﻴﺖ ﺍﺭﻭﺍﺡ ﺑﺮﺩﻣﻴﺔ، ﻧﻴﺮﺍﻥ ﺑﺪﻕ ﻓﻲ ﺳﺎﺣﺔ ﺷﻨﻮ ﻳﺎﺭﺑﻲ ﻛﺪﻱ ﻧﻔﺘﺢ ﺍﻟﺮﺍﺩﻳﻮ ﻧﺴﻤﻊ ﺍﻟﻨﺸﺮﺓ ﺍﻟﺠﻮﻳﺔ

ﻭﻇﻬﺮﺕ ﻧﺎﺩﻳﺔ ﻭﻗﺎﻟﺖ :ﻫﻮﻭﻱ ﻳﺎﻧﺎﺱ ﺍﻟﺤﻠﺔ ﺑﺠﺪ ﺍﻧﺎ ﺧﺎﻳﻔﺔ ﻋﻠﻴﻜﻢ.

 ﺭﺩﺩ ﻧﺎﺱ ﺍﻟﺤﻠﺔ ﺑﺼﻮﺕ ﻭﺍﺣﺪ :ﻣﻦ ﺷﻨﻮ ﻳﺎﺑﺖ ﻋﻠﻮﻳﺔ؟

ﻗﺎﻟﺖ : ﻣﺎ ﻋﺎﺭﻓﺔ ..ﻭﻣﺎ ﺑﻘﺪﺭ أقول..ﻟﻜﻦ أﻧﺎ ﺍﻟﻠﻴﻠﺔ ﻃﺒﺎﺧﺔ ﻣﻼﺡ ﻧﻌﻴﻤﻴﺔ !!!…

عن جيل جديد

mm
فريق عمل المجلة

أضف تعليقاً