الرئيسية / العدد التاسع عشر / الصحة.. حالة مرضية !!

الصحة.. حالة مرضية !!

health2

ساره النور :

للتواصل مع صفحة الكاتب على الفيسبوك الرجاء إضغط هنا

مشاهد متقاطعة..

1

“ماشوفتى يابت أمى.. فى شنو؟؟.. ام جارتنا علويه.. اى كر عليها قالوا ماتت الله يرحمها.. قال ليك ودوها شديده بس حبة كحه.. وصلو المستشفى أدوها ليك حبوب المره دى بقت فى عالم تانى.. الا جروا بيها مستشفى خاص لكن ماحصلوها هناك ماتت.. الله يجازيهم دكاترة الزمن دا ماعارفين شى خربوا المستشفيات وقعدوا”

“البركه فيكم ياخ الحاجه مالها ماكانت كويسه.. والله جاتا زى زمه كده الصباح كم ساعه كدا ماخلتا.. على العصر قلنا نوديها نطمن.. وديناها المستشفى صور وفحوصات قالوا ذبحه.. بدوا ليها العلاج وقالو لينا نفتش عنايه لانه العنايه عندهم مافيها سرير فاضى.. عليك الله ديل دكاتره ديل.. والله هم صراحه ماقصروا ولقينا ليها سرير فى مستشفى خاص لكن الاعمار بيد الله”

2

“ولد عم حسن دا عنده مشكله فى يده دخلو عمليه مرقوا ميت.. لاحول ولاقوة الا بالله داكلام شنو.. دى ياتو مستشفى دى.. وعمى حسن قال شنو.. والله عمك حسن الله يصبره”

“ياعم حسن القصه دى محتاجه تحقيق عشان يتعرف الحصل شنو انا برفع ليك القضيه وبتابعا ليك.. انا ماداير اى قضايا دى ارادة رب العالمين وكن عندنا حق نلقاهو يوم الحق”

***

3

“اسمع هوووى الوليه دى ماجبناها من الصباح مافى زول جا شافا.. ياخ انا هسى كنت معاها.. طيب ولا أدوها اى علاج.. هسي ماكتبنا ليك الروشته.. طيب ماتجى تديها الدربات والحقن الكتبتهن ديل.. امشى كلم الممرضه.. اها انا من الصباح راجيك عشان تقولى كلم الممرضه وينا ممرضتكم دى.. “

“ازيك يادكتور.. مالك بتشكى من شنو.. عندى حمى وصداع… ايوااا هاك أمشى أعمل الفحوصات دى.. يادكتور النتيجه طلعت.. اهااا الدكتور بيعاين فى النتيجه تمام هاك أخد العلاج دا صباح مساء”

***

لقطات سريعه..

“ليه الفحوصات مااتعملت.. المرافق قال قروشو انقطعت؟”

“يعنى هسى تكلونا عليكم الأخصاوى مابجى؟!”

“نحنا لمينا ليك شير الصوره ممكن تعملها”

“أنا شغال فى تلاته مستشفيات والقروش مامكفيه”

“ياخ ديل ناس low I Q تشرح ليهم شنو”

“المره دى ماعرفتو لى مرضا تب”

“الدكاتره الكويسين مرقوا خلو لينا ديل يتعلموا فينا”

“ياسستر دايرن رسم قلب للمريضه دى.. إلا تمشو الحوادث هنا العنبر مافيو جهاز!!”

“ماقالوا العلاج مجانى.. انا ماقلتا شى أسأل القال؟!!”

***

يعنى شنو؟؟

اى قصه عندها وجهين.. كما عدة أوجه..

لو فى مقدم خدمه ماأداها بالطريقه السليمه مابيعنى انه كل العاملين على تقديم الخدمه سيئين..

ولو مرافق اعتدى على مقدم الخدمه لا يعنى بالضروره انه كل المرافقين معتدين ومابستحقوا معامله كويسه..

ومادايما المريض ضحيه.. ولا دايما الدكتور مظلوم..

وماكل القصص البتتحكى حصلت فعلا.. ولاكل الحصلت فعلاً إتحكت..

فى أخطاء طبيه بتحصل ماحأقول كتيره ولاشويه لانه دا داير ليو زول يعمل إحصائيات..

لانه دى حاجه مهمه مامفروض نطلق إحصاءات عشوائية.. لكن ممكن نضرب ناقوس خطر لقصه مفروض يتم تحديد أبعادها ومعالجتها صغيره كانت أم كبيره..

دا ما مقام دفاع أو هجوم ولكن من الواضح انه في خلل في القطاع الصحي بأضلاعه الثلاث كقطاع خدمي.. “المستخدم.. ومقدم الخدمه المباشر.. والمتلقى”….

العلاقات دى مفروض بتحكمها ضوابط المهنية والأخلاق والرقابة.. يعنى ما فيها شخصنه..

في مشاكل في بيئة العمل.. في مشاكل في التدريب والتطوير المهني.. في مشاكل في التواصل.. في مشاكل إقتصادية حاكمه الجميع..

الخلاصة القطاع الصحي نفسه أصبح حالة مرضية محتاجة لدراسة وتشخيص وخطة علاجية على وجه السرعة..

عن سارة النور

mm
سودانية بحب هى أنا .. طبيبة محبة للحروف .. ومابين سماعتى وقلمى أتوه .. متفائلة حد الأمل ما وُجِد له حد .. باحثة عني ولعلي إذ أكتب فإننى أكتب لأعرفنى أكثر .

3 تعليقات

  1. Ich hoffe das du auf keinen Fall auf die Idee kommst da hin zu gehen… Mit der Polizei spricht man nicht, wenn dann mit dem Staatsanwalt und dann nur mit Rechtsanwalt. Alles andere ist grob fahrlässig. Das du nicht erscheinen musst steht ja schon drin… außerdem ist es hochgradig interessant nachzuschauen WER einen da anzeigt und die entsprechende Person mal zu fragen ob man nicht auch normal reden kann. Der Anwalt hat einsichtsrecht in die Akte und da kann man dann auch sehen von welchem liebenswerten Menschen das kommt…

  2. I’m still learning from you, while I’m improving myself. I certainly liked reading all that is written on your website.Keep the information coming. I enjoyed it!

  3. Everyone loves these particular betterscooter.com http://adf.ly/6249830/banner/www.scamadviser.com/is-betterscooter.com-a-fake-site.html Then For that reason A good amount of!! ! Im or her For each other!!!! It’s safe to purchase these over and over again, they are usually for this reason good! I personally take all of them any kind of time and look words of flattery wheresoever i am going!!

أضف تعليقاً